23 sakavika stała viadoma, što ŭ Pinsku likvidujuć pryvatnuju dabračynnuju arhanizacyju «Paleskaja dabrynia». Jaje zasnavalnica Alena Šymolina padčas vybarčaj kampanii dapamahała inicyjatyŭnaj hrupie Śviatłany Cichanoŭskaj i była naziralnicaj na vybarach u Pinsku, piša «Radyjo Svaboda».
Arhanizacyja dapamahała dzieciam ź invalidnaściu, małazabiaśpiečanym siemjam, žančynam, jakija trapili ŭ ciažkija žyćciovyja situacyi, a paśla žnivieńskich pratestaŭ — i paciarpiełym ad represij.
15 kastryčnika Alenu Šymolinu zatrymali za ŭdzieł u niesankcyjanavanaj akcyi 18 žniŭnia. Na nastupny dzień sudzili, pryznali vinavataj, štraf 810 rubloŭ. Praz dva dni byŭ pieratrus u jaje doma i čatyrochhadzinny dopyt.
Paśla hetaha Šymolina źjechała z 13-hadovaj dačkoj va Ukrainu, potym pierajechała ŭ Polšču, ciapier u Čechii.
Aktyvistka śćviardžaje, što zdoleła vyvieźci za miažu dokazy hvałtu siłavikoŭ nad pinčukami i choča pryciahnuć vinavatych da adkaznaści.
