Raul Kastra vyrašyŭ pakinuć pasadu pieršaha sakratara CK kirujučaj Kamunistyčnaj partyi Kuby. Pra heta paviedamlaje centralny drukavany orhan kubinskaj Kampartyi hazieta Granma.
«Hienierał armii skazaŭ, što z zadavalnieńniem pieradaje kiraŭnictva krainaj hrupie padrychtavanych lidaraŭ, zahartavanych dziesiacihodździami vopytu <…>, prychilnych revalucyi», — havorycca ŭ tekście publikacyi.
Raul — rodny brat Fidela Kastra, jany razam partyzanili, a paśla źviaržeńnia dyktatury Batysty Raul zajmaŭ druhoje paśla Fidela miesca ŭ kamunistyčnym uradzie.
U 2006, paśla špitalizacyi starejšaha brata, staŭ kiraŭnikom Kuby. Ź jaho prychodam da ŭłady ŭ krainie adbyłasia niekatoraja libieralizacyja — lehalizavali pryvatny biznes, a taksama prostym kubincam dazvolili mieć mabilnyja telefony, kampjutary i elektryčnyja skaravarki.
U 2018 Raul syšoŭ z pasady kiraŭnika Dziaržsavieta krainy, ale zastavaŭsia partyjnym lidaram.
