Zakonaprajektam praduhledžvajecca ŭdaskanaleńnie ŭmoŭ, pry vykanańni jakich možna ažyćciaŭlać advakackuju dziejnaść.
Pry hetym vyklučajecca patrabavańnie ab abaviazkovaj najaŭnaści ŭ asoby, jakaja maje namier stać advakatam, trochhadovaha stažu raboty pa śpiecyjalnaści; dyfierencyrujucca terminy prachodžańnia stažyroŭki pretendentam u zaležnaści ad najaŭnaści ŭ jaho stažu raboty (słužby) pa śpiecyjalnaści; ustanaŭlivajecca hraničny šaścimiesiačny termin padačy pretendentam, jaki prajšoŭ stažyroŭku, zajavy ab dopusku da zdačy kvalifikacyjnaha ekzamienu z metaj atrymańnia licenzii na advakackuju dziejnaść. Pretendenta, jaki nie padaŭ u nazvany termin zajavu, prapanujecca ličyć, što nie prajšoŭ stažyroŭku.
Uvodzicca sproščany paradak stažyroŭki i zdačy kvalifikacyjnaha ekzamienu pretendentaŭ ź liku byłych sudździaŭ, prakuroraŭ i inšych rabotnikaŭ pravaachoŭnych orhanaŭ, to-bok tych, chto ŭžo maje dośvied jurydyčnaj raboty, kandydatury jakich pradstaŭleny kiraŭnikami adpaviednych viedamstvaŭ. Zamacoŭvajecca patrabavańnie ab tym, što advakaty majuć prava pačać dziejnaść tolki paśla prysiahi. Dla vyznačeńnia mahčymaści vykanańnia advakatam svaich prafiesijnych abaviazkaŭ prapanujecca pravodzić čarhovyja i pazačarhovyja atestacyi.
Dakumientam praduhledžvajecca ŭdaskanaleńnie arhanizacyi raboty advakataŭ.
Pry hetym prapanujecca skasavać dziejnaść advakataŭ u składzie advakackich biuro i indyvidualna. Adzinaj arhanizacyjnaj formaj buduć jurydyčnyja kansultacyi.
