Fota pixabay.com
Ale treba čas, kab preparat pačaŭ abaraniać vas ad chvaroby. U vypadku z vakcynami Pfizer, «Sputnik V» i Sinopharm intervał pamiž atrymańniem pieršaj i druhoj dozy składaje 21 dzień. Dla preparata Moderna hety termin składaje 28 dzion, piša Huffpost.
Padčas hetaha intervała vy sapraŭdy možacie zachvareć na kavid. Pa apošnich daśledavańniach, pieršaja doza vakcyny ŭžo dapamahaje našamu arhanizmu zmahacca ź virusam. Tak, isnuje infarmacyja, što adna doza preparata Pfizer ci Moderna na 80% pieraduchilaje zaražeńnie kavidam, anałahičnyja dadzienyja jość i dla «Sputnik V».
Ale pakul što nie chapaje infarmacyi dla kančatkovych vysnoŭ pra toje, nakolki adnoj dozy chopić dla paśpiachovaj vakcynacyi. Bolš za toje, jość vypadki, kali ludzi chvareli na kavid navat paśla atrymańnia dvuch doz preparata, i navukoŭcy viedali pra takuju mahčymaść jašče padčas ispytaŭ vakcyn.
Jość i dobraja navina — užo paśla pieršaj dozy vakcyn na bazie infarmacyjnaj RNK (Pfizer i Moderna) amal što poŭnaściu źnikaje niebiaśpieka atrymać kavid u ciažkaj formie. Ale ŭ vypadku ź luboj vakcynaj arhanizmu treba kala dvuch tydniaŭ paśla pieršaj dozy, kab dasiahnuć chacia b častkovaha imuniteta.
Ekśpierty rekamiendujuć tym, chto zachvareŭ na kavid paśla pieršaj dozy pryščepki, adkłaści atrymańnie druhoj dozy, i sprava tut nie tolki ŭ drennym stanie zdaroŭja padčas chvaroby. Možna pravieryć uzrovień antycieł, i, kali jany vysokija, časova admovicca ad pryščepki — heta taksama daść mahčymaść atrymać preparat kamuści inšamu, asabliva kali jaho kolkaść abmiežavanaja. I navat paśla taho, jak vy całkam vakcyniravalisia, važna praciahvać nasić maski i vytrymlivać sacyjalnuju dystancyju.
