Ilustracyjnaje fota, artfile.me
U vioscy Bierazcy Parachonskaha sielsavieta na padvorak adnaho z žycharoŭ zabiehła lisica i nakinułasia na sabaku ŭ dvary. Haspadar zakałoŭ źviera viłami. Paśla praviadzieńnia vieterynarnaj ekśpiertyzy atrymana zaklučeńnie ab najaŭnaści ŭ lisy šalenstva. Darečy, zdaroŭju sabaki ničoha nie pahražaje — jon byŭ pryščepleny ad šalenstva.
Pinski rajvykankam abviaściŭ Bierazcy niespryjalnaj zonaj pa šalenstvie žyvioł i ŭvioŭ karancin. Pieršapačatkovy termin karancinu — dva miesiacy. U dalejšym rajonnaja vietsłužba prymie rašeńnie ab źniaćci abo pradaŭžeńni abmiežavańniaŭ.
Nahadajem, u pačatku krasavika ŭ vioscy Łasick Pinskaha rajona taksama byŭ uviedzieny karancin pa šalenstvie. Tam źjaviŭsia ahresiŭny voŭk, jaki napadaŭ na ludziej. Nieŭzabavie jaho zastrelili. Vyśvietliłasia, što źvier byŭ chvory na šalenstva.