Vyprabavalny termin pa prysudzie składaje adzin hod. Uvieś hety čas Sobal pavinna adznačacca ŭ kryminalnaj inśpiekcyi. U vypadku parušeńniaŭ umoŭny termin budzie źmienieny na realny.
Paśla abviaščeńnia prysudu Luboŭ Sobal skazała: «Jakaja hańba i soram!» Jana zajaviła, što budzie abskardžvać rašeńnie sudździ.
«Kvaternuju spravu» suprać Sobal raspačali paśla taho, jak 21 śniežnia 2020 hoda jana pryjechała da kvatery supracoŭnika FSB Kanstancina Kudraŭcava — raniej hety čałaviek u telefonnaj razmovie z Alaksiejem Navalnym faktyčna paćvierdziŭ, što palityka sprabavali atrucić rečyvam z hrupy «Navičok».
Paciarpiełym bokam pa spravie vystupała ciešča supracoŭnika FSB Halina Subocina. Jana śćviardžała, što Sobal adšturchnuła jaje i ŭvarvałasia ŭ kvateru. Sam Kudraŭcaŭ nie prachodziŭ pa spravie ni śviedkam, ni paciarpiełym, pakolki śledstvu nie ŭdałosia ŭstanavić jaho miescaznachodžańnie.
