president.gov.by
— Ja, viadoma, kali nie stanu prezidentam, šmat čaho raspaviadu dobraha ab tym, što Ilcham Hiejdaravič prapanoŭvaŭ armianskamu narodu i kiraŭnikam Armienii dla taho, kab urehulavać hety kanflikt. Adna z prapanoŭ, kali jon mnie skazaŭ: «Słuchaj, ty pieradaj armianam, ty ź imi ŭ dobrych adnosinach, ja hatovy adnavić nie tolki Karabach, ale i padniać Armieniju (kali za sto dalaraŭ była nafta)… Ja nie nazyvaju sumu navat, jakuju voś ja adrazu hatovy zapłacić. Pieradaj im, kab mirna ŭrehulavali hetaje pytańnie», — raspavioŭ Łukašenka.
Tady, zajaviŭ Łukašenka, armianskaje kiraŭnictva ad prapanovy Azierbajdžana admoviłasia. Jon taksama pryznaŭsia, što ŭpieršyniu kaža pra heta publična.
Łukašenka pavinšavaŭ narody Armienii i Azierbajdžana «sa skančeńniem hetaha sumnaha pieryjadu ŭ ich historyi». I zajaviŭ, što choča adznačyć «najvialikšuju rolu» Alijeva «ŭ raźviazańni hetaj prablemy».
Ilcham Alijeŭ adznačyŭ, što na praciahu amal tryccaci hadoŭ Azierbajdžan sprabavaŭ vyrašyć karabachskaje pytańnie mirnym šlacham, i toje, što pytańnie było vyrašana vajenna-palityčnym šlacham, — vina armianskaha boku.
***
Vajenny kanflikt u Nahornym Karabachu abvastryŭsia 27 vieraśnia 2020 hoda. Tady Azierbajdžan i Armienija ŭskłali adno na adnaho adkaznaść za eskałacyju ŭ rehijonie. Paśla hetaha ŭłady abiedźviuch krain, a taksama Nahornaha Karabacha ŭviali vajennaje stanovišča.
U noč na 10 listapada premjer Armienii Nikoł Pašynian i lidar Azierbajdžana Ilcham Alijeŭ pry pasiarednictvie Uładzimira Pucina damovilisia ab spynieńni ahniu ŭ Nahornym Karabachu. Pahadnieńnie taksama praduhledžvała vyvad armianskich padraździaleńniaŭ ź niekalkich rajonaŭ i raźmiaščeńnie rasijskaha miratvorčaha kantynhientu dla zachavańnia stabilnaści ŭ rehijonie.
Padpisańnie mirnaha pahadnieńnia vyklikała radaść u Azierbajdžanie i masavyja pratesty ŭ Armienii. Adrazu paśla pryniaćcia mirnaha pahadnieńnia pa Karabachu ŭ Jerevanie pačalisia mitynhi z udziełam apazicyi, jakaja zapatrabavała nieadkładnaj adstaŭki premjer-ministra krainy i praciahu vajny.
Pašynian zajaviŭ, što hatovy syści ŭ adstaŭku paśla praviadzieńnia daterminovych vybaraŭ.
