Da źniavolenaha staršyni Partyi BNF Ryhora Kastusiova, jakoha trymajuć u śledčym izalatary KDB, nie dapuścili advakata. Pryčynaŭ nie nazvali. Pra heta paviedamiŭ ziać palityka Źmicier Antončyk. Jon kaža, što advakatu paabiacali paviedamić, kali jon zmoža sustrecca z klijentam, piša Radyjo Svaboda.
Ryhora Kastusiova zatrymali ŭ Škłovie 12 krasavika. Pozna ŭviečary dačce palityka paviedamili, što jaho padazrajuć pa kryminalnaj spravie i što jon u Miensku.
Na nastupny dzień zatrymali na niekalki hadzin i Źmitra Antončyka. U jahonaj prysutnaści siłaviki praviali pieratrus na leciščy. Z tłumačeńnia supracoŭnikaŭ Źmicier zrazumieŭ, što Ryhora Kastusiova padazrajuć u dziejańniach, skiravanych na zachop ułady. Na leciščy zabrali kamputary, knihi, nośbity infarmacyi, strajkbolny aŭtamat.
13 krasavika Kamitet dziaržaŭnaj biaśpieki paviedamiŭ pra zatrymańnie Kastusiova «ŭ ramkach raśśledavańnia raspačataj kryminalnaj spravy pavodle artykuła 108 KPK Respubliki Biełaruś pa niepasrednym padazreńni ŭ ździajśnieńni złačynstva». U paviedamleńni havaryłasia i pra źniavoleńnie litaratara i palitolaha Alaksandra Fiaduty. Toj źnik u Maskvie.
13 krasavika Svabodzie stała viadoma pra zatrymańnie ŭ Maskvie i jurysta Jurasia Ziankoviča, jaki maje hramadzianstvy Biełarusi i ZŠA. Pavodle jahonaj žonki, jon ciapier u Biełarusi ŭ SIZA KDB.
