Siońnia dziaržaŭny abvinavaŭca zaprasiŭ dla ŭsich padsudnych ad 5 z pałovaj da 6 z pałovaj hadoŭ źniavoleńnia ŭ kałonii ŭzmocnienaha režymu, aprača Siarhieja Maŭšuka, jaki byŭ pad chatnim aryštam, prakuror prosić sud pakarać jaho na 6 z pałovaj hadoŭ u kałonii ahulnaha režymu, paviedamlaje «Radyjo Svaboda».
Na łavie padsudnych — Raman Bahnaviec, Ryhor Huńko, Siarhiej Laženka, Alena Maŭšuk, Viačasłaŭ Rahaščuk, Aleh Rubiec, Alaksandr Ciareška, Artur Chalimončyk, Viačasłaŭ Šalamiet, Devid Maścicki, Daniił Bohnat, Stanisłaŭ Michajłaŭ, Ihar Sałaviej, Siarhiej Maŭšuk
Viny, pa słovach Taćciany Rubiec, nie pryznali Stanisłaŭ Michajłaŭ, Ihar Sałaviej, Daniła Bohnat i Alaksandar Ciareška. Usie astatnija pryznali častkova. Jany śćviardžajuć, što tolki znachodzilisia ŭ miescy sutyknieńniaŭ, adnak hvałtoŭnych dziejańniaŭ na adras siłavikoŭ nichto ź ich nie rabiŭ.
Dziaržabvinavaŭca śćviardžaje, što 9 žniŭnia 2020 hoda abvinavačvanyja
- brali ŭdzieł u niesankcyjanavanym masavym mierapryjemstvie kala budynka rajvykankama,
- hruba parušyli hramadski paradak;
- učynili pahromy, nanieśli supracoŭnikam milicyi ŭdary rukami, nahami i roznymi pradmietami — doškami, pałkami, vuličnymi skryniami, frahmientami tratuarnaj plitki i bietonnych parapietnych plitaŭ, butelkami, kamianiami, mietaličnymi vyrabami i armaturaj;
- paśla čaho naŭmysna źniščyli i paškodzili transpartnyja srodki i inšuju majomaść, jakija naležali milicyi, fizičnym i jurydyčnym asobam.
«Heta było ŭžo nie źbićcio, heta byli katavańni». Piać historyj palitviaźniaŭ «Pinskaj spravy»
