trend.az
«Što tyčycca našych palityčnych adnosin, ciažka skazać, čaho nam nie chapaje. U nas bliskučyja adnosiny. I ja hetym zaŭsiody hanarusia. My adnavili samyja ciopłyja adnosiny z časoŭ Savieckaha Sajuza pa ŭsich napramkach», — zajaviŭ Łukašenka.
Pa jaho słovach, krainy dyviersifikavali svaje adnosiny ŭ palitycy i ekanomicy i «jany absalutna ničym nie abciažaranyja».
«My nikomu nie pieraškadžajem i nam nichto nie imkniecca pieraškadžać. Bo kali ty chočaš niešta zrabić, to ciažka hetamu pieraškodzić», — adznačyŭ Łukašenka.
Dynamiku ekanamičnych adnosin jon nazvaŭ dobraj, letaś tavaraabarot pamiž Biełaruśsiu i Azierbajdžanam nabliziŭsia da $0,5 młrd.
Taksama Łukašenka prapanavaŭ Alijevu abmierkavać pytańnie «ŭ vielmi tonkaj i dalikatnaj» śfiery pastavak vuhlevadarodnaj syraviny.
«Nam, moža być, varta niejak razhledzieć pytańnie pahłybleńnia adnosin mienavita ŭ hetaj śfiery. Vielmi, kaniečnie, tonkaje i dalikatnaje ŭ siłu taho, što Biełaruś znachodzicca ŭ epicentry ekanamičnych i palityčnych padziej. Ale tym nie mienš niama nievyrašalnych pytańniaŭ», — skazaŭ Łukašenka.
Pałac prezidenta Azierbajdžana «Zahulba» źjaŭlajecca častkaj rezidencyi, pabudavanaj u 2008 hodzie. Jana znachodzicca ŭ pasiołku Zahulba za 40 km ad Baku. U saviecki čas tut byli ŭradavyja dačy.
Pałac raźmieščany na bierazie Kaśpijskaha mora i vykarystoŭvajecca dla praviadzieńnia aficyjnych sustreč i pieramovaŭ.
