hrodna.life
Iharu Remziku 43 hady, jon nie žanaty, małaletnich dziaciej niama, pracuje indyvidualnym pradprymalnikam, za apošni hod pryciahvaŭsia da administracyjnaj adkaznaści.
Ihar Remzik pryznaŭ vinu častkova. U sudzie jon skazaŭ, što raźmiaściŭ spasyłku na Telegram-kanał, pryznany ekstremisckim, kali jon jašče takim nie byŭ. Pa jaho słovach, jon vydaliŭ usie spasyłki, jakija znajšoŭ, ale adnu navinu ad 17 žniŭnia prapuściŭ. Redaktar vykarystaŭ spasyłku mienavita na toj kanał, tamu što na inšych resursach patrebnaha videa nie było.
Navina aktualnaja niekalki dzion, adznačyŭ Ihar. Apošnija pračytvańnie ŭ naviny było 21 žniŭnia, paśla čaho da studzienia, kali ŭ milicyi pačali pravierku, jaje nichto nie čytaŭ.
Na YouTube-kanale BIEŁTA taksama zachavałasia videa z łahatypam ekstremisckaha kanała, adznačyŭ Ihar. Na jaho dumku, heta dakazvaje toje, što technična adsačyć kožnaje zhadvańnie kanała, pryznanaha ekstremisckim, było niemahčyma.
U pracesie ŭdzielničaŭ pradstaŭnik Leninskaha RAUS Andrej Pihulski. Jon raspavioŭ, što 21 studzienia padčas manitorynhu roznych sajtaŭ u milicyi vyjavili na newgrodno.by spasyłku, jakaja viała na kanał, pryznany ekstremizm. U milicyi zarehistravali materyjał pravierki, u Ihara doma praviali ahlad, paśla čaho vyniali sistemny błok. Padčas apytańnia Ihar vinu nie admaŭlaŭ, raspavioŭ pradstaŭnik UUS.
Na pracu partała rašeńnie suda nie paŭpłyvaje, raspavioŭ Ihar Hrodna.life. Rašeńnie ab abskardžańni jon pakul nie pryniaŭ.
