Vital Alejnik. Fota Nastaśsi Utkinaj
Mužčyna padrabiazna raskazvaŭ pra svajo źniavoleńnie i ŭmovy, u jakich znachodziŭsia 15 sutak u jakaści asudžanaha pa artykule 23.34 «Parušeńnie paradku arhanizacyi abo praviadzieńnia masavych mierapryjemstvaŭ».
Alejnik u Litvie źviarnuŭsia da ekśpiertyzy ludziej, jakija majuć dośvied pracy z univiersalnaj jurysdykcyjaj, a taksama da śledčych. Jany daśledavali materyjały pa spravie Alejnika i zaviali kryminalnuju spravu, maładziečanca pryznali paciarpiełym.
Taksama Alejniku ŭdałosia damahčysia admieny ŭ Minskaj abłasnoj prakuratury pastanovy ab admovie va ŭzbudžeńni kryminalnaj spravy pa fakcie hvałtu ŭ adnosinach da jaho ŭ žodzinskaj turmie. Sprava prachodzić dadatkovuju pravierku, kamanda Alejnika zapatrabavała pryciahnuć da adkaznaści tych, chto admoviŭsia adrazu zavodzić spravu.
U abskardžvańni rašeńnia suda Centralnaha rajona Minska ab aryšcie Alejnika dajšli da Viarchoŭnaha suda, zajaviŭšy advod usiamu składu.
