Pavodle papiarednich danych śpiecyjalistaŭ Tel-Aviŭskaha univiersiteta, paŭdniovaafrykanski štam karanavirusa B.1.351 moža «abychodzić» vakcynu ad Pfizer/BioNTech, paviedamlaje Reuters.
Z-za nievialikaj kolkaści daśledavanych vypadkaŭ vyniki pakul što nielha nazvać reprezientatyŭnymi.
U daśledavańni, apublikavanym u subotu, paraŭnoŭvajucca danyja 400 čałaviek (jakim dyjahnastavali COVID-19 praz dva tydni ci bolš paśla taho, jak tyja atrymali adnu ci dźvie dozy vakcyny), suprać takoj samaj kolkaści nievakcynavanych pacyjentaŭ z karanavirusam.
Daśledčyki Tel-Aviŭskaha ŭniviersiteta i najbujniejšaha pastaŭščyka miedycynskich pasłuh Izraila Clalit vyjavili, što siarod vakcynavanych dvuma dozami vakcyny ludziej uzrovień raspaŭsiudžanaści štamu B.1.351 byŭ u 8 razoŭ vyšejšy, čym u nievakcynavanych — 5,4% suprać 0,7%.
Śpiecyjalisty dapuścili, što vakcyna Pfizer moža być mienš efiektyŭnaj suprać paŭdniovaafrykanskaha varyjanta COVID.
