Raman Murzič u centry, u nakidcy z załacistym kryžom
Kalehi Murziča paćvierdzili, što toj zatrymany i čakaje suda. Pakul što dakładnaja karcina nieviadomaja, z najaŭnych abryŭkaŭ infarmacyi vynikaje, što śviatara spynili supracoŭniki śpiecatrada DAI «Tajfun».
U Murziča heta druhoje zatrymańnie biez pravoŭ ciaham hoda. Mahčymaje pakarańnie — štraf 20-50 bazavych, hramadskija pracy albo aryšt da 15 sutak.
U paniadziełak maje adbycca sud, na jaki pryjedzie viciebski biskup.
Raman Murzič u rajonie viadomy svajoj pryncypovaj pazicyjaj u adstojvańni spraviadlivaści. U časie žnivieńskich padziej jon vystupiŭ na dokšyckaj płoščy z krytykaj hetak zvanych adździełaŭ ideałohii, abvinavaciŭšy ich u tranślavańni chłuśni i sutyknieńni łbami biełarusaŭ. Na jahonym kaściole visieŭ nacyjanalny bieł-čyrvona-bieły ściah.
