Jak učora zajaviła minskaja milicyja, zatrymanyja źjaŭlajucca «aktyŭnymi ŭdzielniki fłešmobu, arhanizavanaha na praśpiekcie Pieramožcaŭ», a «padčas sankcyjanavanaha ahladu domaŭładańnia [siamji Michajłavych] vyjaŭlenaja atrybutyka, jakaja asacyjujecca z pratesnaj», paviedamlaje spring96.org.
Adrazu sudździa Viktoryja Šabunia sudziła pa č. 3 art. 24.23 KaAP 30-hadovuju aktyvistku Juliju Michajłavu.
Pa pratakole, dziaŭčyna 6 krasavika z 18:05 pa 18:20 pryniała ŭdzieł u niesankcyjanavanym šeści na praśpiekcie Pieramožcaŭ u hrupie hramadzian ź dziesiaci čałaviek «z metaj vykazvańnia svajho hramadska-palityčnaha nastroja». Pa pratakole, Julija trymała BČB-parason i kryčała «Žyvie Biełaruś!». U jakaści dokazaŭ jaje viny na sudzie pradastavili fota Tut.by.
Dziaŭčyna na sudzie paćvierdziła, što jana špacyravała pa praśpiekcie ŭ toj dzień, ale ź biełym parasonam. Pa jaje słovach, jana ničoha nie vykrykvała, ničym nie machała i ničoha nie vykazvała. Julija raspaviała, što paśla zatrymańnia siłaviki na jaje kryčali i pahražali — akazavali psichałahičny cisk.
U vyniku, Šabunia asudziła Juliju Michajłavu na 25 sutak aryštu.
Čakajucca sudy nad jaje bratam Piatrom i maci Taćcianaj. Starejšuju siastru Liliju ŭčora vyzvalili, bo ŭ jaje niepaŭnahadovyja dzieci.
