U viciebskaj kvatery ŭ miascovaj žycharki pravaachoŭniki kanfiskavali bolš za 400 patronaŭ, paviedamili va UUS abłvykankama.
Apieratyŭnikam stała viadoma, što žycharka abłasnoha centra źbirajecca pradać patrony. Syščyki vyśvietlili, što realizacyjaj bojeprypasaŭ choča zaniacca 50-hadovaja viciablanka. Pry ahladzie jaje kvatery milicyjaniery vyjavili ceły arsienał. Akramia 400 patronaŭ roznych kalibraŭ u domie znachodzilisia frahmienty vintoŭki Mosina, a taksama 14 zapałaŭ da hranataŭ.
Žančyna raspaviała, što ŭsio znojdzienaje naležyć jaje mužu, jaki ciapier žyvie asobna. Muž i žonka zatrymanyja, kanfiskavany arsienał, vyśviatlajucca krynicy jaho pachodžańnia.
0
0
0
0
0
0
