«My žadajem abmierkavać ideju bajkotu z našymi sajuźnikami», — zajaviŭ Prajs, adkazvajučy na pytańnie, ci razhladaje Vašynhton ideju sumiesnaha bajkotu Alimpijady ŭ KNR.
Ale paźniej Prajs napisaŭ u Twitter, što «da 2022 hoda jašče daloka», tamu nijakich rašeńniaŭ nie pryniata. «Ale my praciahniem ciesna kansultavacca z sajuźnikami i partniorami, kab vyznačyć našy ahulnyja prablemy i vypracavać ahulny padychod da KNR», — adznačyŭ jon.
Raniej z zaklikami bajkatavać Alimpijadu-2020 vystupiła kala 200 pravaabarončych arhanizacyj. Pryčynaj pasłužyli dakłady ab masavych parušeńniach pravoŭ čałavieka ŭ Sińczian-Ujhurskim aŭtanomnym rajonie (SUAR), u jakich adznačajecca, što bolš za miljon ujhuraŭ-musulman utrymlivajucca ŭ łahierach dla internavanych.
ZŠA ŭsiaho raz bajkatavali hulni — u 1980 hodzie ŭ Maskvie. Takoje rašeńnie było pryniata z-za ŭvodu vojskaŭ SSSR u Afhanistan. Nacyjanalny alimpijski kamitet ZŠA pryniaŭ rašeńnie ab bajkocie Alimpijady-1980 pad ciskam kanhresa, śledam anałahičnaje rašeńnie pryniali NAK z krain sajuźnikaŭ ZŠA.
NAK ZŠA raniej na hetym tydni vystupiŭ suprać bajkotu. «Było dakazana, što jany niehatyŭna ŭpłyvajuć na spartsmienaŭ, nie vyrašajučy pry hetym hłabalnyja prablemy, — havorycca ŭ paviedamleńni. — My ličym, što bolš efiektyŭny kurs dziejańniaŭ dla ŭradaŭ śvietu i Kitaja — heta pramy ŭdzieł u pytańniach pravoŭ čałavieka i hieapalityčnych prablemach».
