Love Shot
Raniej źjaviłasia infarmacyja ab tym, što z-za praviadzieńnia aholenaj fotasiesii na bałkonie adnoj z vysotak Dubaja byli zatrymanyja dziaŭčaty z krain SND, u tym liku ź Biełarusi. Konsuł našaj krainy ŭ Dubai Siarhiej Alaksiejeŭ raspavioŭ Tut.by, što, pavodle papiaredniaj infarmacyi, našych suajčyńnic siarod ich niama.
— Sprava ŭ tym, što aficyjnaja infarmacyja z palicyi jašče nie pastupiła, ale, pavodle papiaredniaj nieaficyjnaj infarmacyi, hramadzianie Biełarusi zatrymanyja nie byli. Pakul, na žal, inšych kamientaroŭ niama, — zajaviŭ konsuł.
3 krasavika palicyja zatrymała 40 udzielnic fotasiesii na bałkonie adnoj z vysotak u elitnym haradskim rajonie Marina, dzie jany paziravali biez adzieńnia. RIA «Naviny» sa spasyłkaj na hienkonsulstva Rasii ŭ Dubai paviedamlała, što siarod zatrymanych u suviazi ź incydentam jak minimum vosiem dziaŭčat byli hramadziankami Rasii. Adnak paźniej pradstaŭniki rasijskaha hienkonsulstva zajavili infarmahienctvu, što na samoj spravie było zatrymana nie 40, a 12 čałaviek, pry hetym hramadzianak Rasii siarod ich niama, a adzinym zatrymanym hramadzianinam Rasii źjaŭlajecca mužčyna — mierkavany arhanizatar fotasiesii.
Pry hetym BBC sa spasyłkaj na MZS Ukrainy paviedamlaje, što siarod dvanaccaci zatrymanych dziaŭčat adzinaccać źjaŭlajucca hramadziankami hetaj krainy. U aŭtorak, 6 krasavika, ukrainski konsuł płanuje naviedać zatrymanych.
