Minskaj čaćviorcy, jakaja adbiła ad amapaŭcaŭ čałavieka, dali ad čatyroch da piaci hadoŭ kałonii
Vieranika i Jaŭhien raśpisalisia ŭ SIZA-1 na Vaładarskaha na minułym tydni pamiž pasiadžeńniem suda, dzie prahučali apošnija słovy abvinavačanych, i abviaščeńniem prysudu.
U adnym ź listoŭ na svabodu, Ženia abmoviŭsia pra viasielle, a Vieranika padtrymała takuju ideju i ŭ zvarotnym liście dasłała błank zajavy ŭ ZAHS.
Na momant rośpisu jany viedali tolki ab mahčymym terminie ŭ 4 hady kałonii ahulnaha režymu, jaki praź niekalki dzion byŭ abvieščany ŭ sudzie.
Jak kažuć supracoŭniki ZAHS, takija padziei apošnim časam nie redkaść.
Dla rośpisu ŭ SIZA treba było atrymać dazvoł sudździ. Na sam rośpis sychodzić litaralna niekalki chvilin. Nichto, akramia pary, kanvoju i rabotnika ZAHS nie prysutničaje. Zaležyć ad kanvoju, ale ŭ najlepšym vypadku mohuć dać trochi pahutaryć, abniacca, patrymacca za ruki, i to ŭ palčatkach i achoŭnych ekranach na hałavie (u suviazi z COVID).
