Prezident Rasii Uładzimir Pucin padpisaŭ zakon, jaki dazvolić jamu vybracca prezidentam jašče dvojčy.
Zhodna z zakonam «Ab vybarach prezidenta RF», abiracca prezidentam nie maje prava hramadzianin Rasii, jaki zajmaŭ hetuju pasadu dva terminy abo jaki zajmaje na dzień aficyjnaj publikacyi rašeńnia ab pryznačeńni vybaraŭ pasadu prezidenta druhi termin.
Ale na Pucina heta nie raspaŭsiudžvajecca: zhodna z zakonam, nie ŭličvajecca kolkaść prezidenckich terminaŭ, jakija čałaviek zajmaŭ na momant ustupleńnia ŭ siłu papravak da Kanstytucyi.
Pucin abiraŭsia prezidentam u 2000-m, 2004-m, 2012-m i 2018-m hadach. Ciapier jon zmoža bałatavacca ŭ 2024-m i 2030 hadach.
Kali kiraŭnikom dziaržavy z 2008-ha pa 2012 hod farmalna byŭ Dźmitryj Miadźviedzieŭ, jon prapanavaŭ pavialičyć termin paŭnamoctvaŭ prezidenta z čatyroch da šaści hadoŭ, što i było zroblena.
