Madelaŭ z Rasii i Biełarusi, jakija paziravali aholenymi na bałkonie haścinicy Dubai Marina, nibyta zdymaŭ hramadzianin Izraila. Nieviadoma, ci maje jon dačynieńnie da arhanizacyi hetaha «mierapryjemstva» ŭ arabskaj krainie. Pavodle infarmacyi Daily Mail, upieršyniu videa apublikavaŭ mienavita izrailski porna-sajt.
Palicyja Dubaja pakul nie prakamientavała zatrymańnie apieratara. Adnak u adnoj z zajaŭ pravaachoŭnyja orhany sapraŭdy ŭkazali, što štraf u pamiery piaci tysiač dyrchamaŭ (kala 1,3 tysiačy dalaraŭ) i turemnaje źniavoleńnie pahražaje nie tolki dziaŭčatam, ale i tym, chto zdymaŭ ich i raspaŭsiudžvaŭ kadry ŭ internecie.
U subotu, 3 krasavika, u sacyjalnych sietkach źjavilisia videaroliki i fatahrafii aholenaj fotasiesii na bałkonie papularnaj haścinicy: bolš za dziesiać dziaŭčat pazirujuć na kamieru absalutna hołymi. Kadry aburyli hramadskaść, i ŭ hety ž dzień madelaŭ zatrymali pravaachoŭnyja orhany. Sami dziaŭčaty akazalisia hramadziankami Rasii, Ukrainy, Małdovy i Biełarusi.
Paśla suda dziaŭčatam pahražaje da šaści miesiacaŭ turemnaha źniavoleńnia i štraf za parušeńnie zakonaŭ AAE ab prystojnaści.
