U inicyjatyvie dissident.by raspaviali pra mahčymaść zakazvać knihi z kramy. Dla hetaha viaźniu prosta nieabchodna napisać zajavu i mieć dastatkova srodkaŭ na asabistym rachunku.
Nabyvać knihi mohuć asudžanyja, a taksama tyja, chto znachodziacca ŭ SIZA i ŭ SIZA KDB.
Varyjant dastaŭki knih viaźniu rehulujecca samim viaźniem z supracoŭnikami taho miesca, dzie jon utrymlivajecca.
Na što spasyłacca ŭ liście, kali pišaš asudžanamu čałavieku? (kali prysud ustupiŭ u siłu)
U adpaviednaści z č. 1 i č. 3 art. 89 UVK RB asudžanamu dazvolena nabyvać litaraturu praz handlovuju sietku. Dastaŭka knih nie ŭvachodzić u kolkaść dazvolenych banderolaŭ i drobnych pakietaŭ, dazvolenych da atrymańnia.
Dadatkovyja pasłuhi apłačvajucca za košt ułasnych srodkaŭ asudžanych i pradastaŭlajucca pa ich zajavie na imia načalnika ŭstanovy. Apłata ažyćciaŭlajecca šlacham pieravodu hrašovych srodkaŭ z asabistaha rachunku asudžanaha ŭ adras adpaviednaha pradpryjemstva, ustanovy ŭ sumie, nazvanaj u zajavie asudžanaha.
Na što spasyłacca ŭ liście, kali pišaš čałavieku, jaki źmiaščajecca pad vartaj? (kali prysud nie ŭstupiŭ u siłu)
U adpaviednaści z Zakonam RB ad 16.06.2003 «Ab paradku i ŭmovach utrymańnia asob pad vartaj» art. 19 kaža ab pravie karystacca litaraturaj ź biblijateki albo nabytaj praz administracyju ŭ handlovaj sietcy.
Zakonam dazvolena nabyvać pradmiety, uklučanyja ŭ pieralik. Pry adsutnaści pradmietaŭ u kramie SIZA, asoba, jakaja źmiaščajecca pad vartaj, vydaje davieranaść supracoŭniku SIZA na atrymańnie patrebnaj sumy z asabovaha rachunku.
Asoby, jakija ŭtrymlivajucca pad vartaj, nabyvajuć rečy, uklučanyja ŭ pieralik u arhanizacyjach roźničnaha handlu.
