«Jon trymajecca, pačuvajecca dobra», — paviedamiła žonka.
Nahadajem, što na Alesia Puškina była zaviedziena prakurataraj sprava pavodle č. 3 art. 130 KK RB («Raspalvańnie nacyjanalnaj, rasavaj dy inšaj varažniečy hrupaj asobaŭ», a taksama «Reabilitacyja nacyzmu»), što praduhledžvaje pakarańnie na termin ad 5 da 12 hadoŭ.
Padstavaj stała demanstracyja partreta ŭdzielnika antysavieckaha padpolla Aŭhiena Žychara na vystavie ŭ pryvatnym «Centry haradskoha žyćcia» ŭ Hrodnie. Pa hetaj ža spravie spačatku byŭ zatrymany na 72 hadziny kiraŭnik «Centra» Pavieł Mažejka, ale jon vyjšaŭ na volu.
Aleś Puškin byŭ zatrymany ŭ aŭtorak, jon raśpisvaŭ pałac u Žyličach. Treba zaznačyć, što viedajučy pra zaviadzieńnie kryminalnaj spravy, mastak viarnuŭsia z Ukrainy ŭ Biełaruś. U jaho doma ŭ Babry prajšoŭ pieratrus.
Užo dvojčy sudzili pa kryminałkach — za pierakreśleny ściah BSSR i hnoj dla Łukašenki. Chto taki Aleś Puškin?
