Jehipiet źbirajecca zapatrabavać kampiensavać vydatki na vyratavalnuju apieracyju, u jakoj udzielničali 800 čałaviek, a taksama vydatki, źviazanyja sa spynieńniem ruchu pa kanale i stračanymi tranzitnymi zborami za tydzień.
«My zapytajem prystojnuju sumu. My vyratavali sudna bieź jakich-niebudź surjoznych paškodžańniaŭ abo strat», — skazaŭ Usama Rabija, čyje słovy pryvodzić CNBC. Rabija nie ŭdakładniŭ, chto pavinien vypłacić kampiensacyju, ale adznačyŭ, što ŭ minułym va ŭładaŭ kanała i sudnaŭładalnikaŭ byli dobryja adnosiny.
Usama Rabija dadaŭ, što kali suma kampiensacyi budzie ŭzhodniena, to kantejnieravoz «Evier Hivien», jaki ciapier znachodzicca ŭ adnym z azior kanała, zmoža biez prablem praciahnuć ruch. Kali ž sprava dojdzie da suda, to «Evier Hivien» i jaho hruz koštam 3,5 miljardy dalaraŭ nie zmohuć pakinuć Jehipiet.
