Ciahnik Taroko Express u piatnicu syšoŭ z rejek pry vyjeździe z hornaha tunela na terytoryi pavieta Chualań. Ciahnik z vaśmi vahonaŭ nakiroŭvaŭsia z paŭnočnaha horada Sińbej u paŭdniova-ŭschodni paviet Tajdun i pieravoziŭ kala 350 pasažyraŭ, piša TASS.
Pa najaŭnych źviestkach, druhi i treci vahony syšli z rejek, a nastupnyja — defarmavalisia ad udaru ab ścieny ŭnutry tunela.
Ratavalniki na hety čas evakujavali pasažyraŭ ź pieršych čatyroch vahonaŭ. Bolš za ŭsio paciarpiełych było ŭ apošnich vahonach, jakija zatrymalisia ŭ tuneli. Pavodle apošnich źviestak, zahinuli nie mienš za 36 čałaviek, 61 špitalizavany.
Pavodle papiarednich źviestak, pryčynaj avaryi stała sutyknieńnie ź inžyniernym aŭtamabilem, jaki byŭ «drenna pryparkavany» i, jak miarkujecca, saśliznuŭ sa schiłu na čyhunačnyja rejki.
