Pazyčyć joj hrošy na raźvićcio biznesu i nabyćcio kvatery ŭhavaryła svaich znajomych 30-hadovaja žycharka Ašmianaŭ. Havorka idzie pra sumu amal 90 tysiač dalaraŭ, paviedamlaje «Minsk-Naviny».
30-hadovaja žycharka abłasnoha centra sa žniŭnia 2019 hoda pa śniežań 2020 hoda ŭhavorvała svaich znajomych pazyčać joj hrošy nibyta na raźvićcio biznesu i nabyćcio kvatery. Usiaho jana atrymała ad svaich ščodrych kredytoraŭ 66 850 dalaraŭ i 18 250 jeŭra.
Jana abiacała viarnuć doŭh u najbližejšy čas, dy jašče i z pracentami. Pryniatyja na siabie abaviazki jana nie vykanała ŭ poŭnym abjomie. Biznes i kvateru, na jakija nibyta brała pazyku, jana nie nabyła, a hrošy vydatkavała na asabistyja patreby.
Ustanoŭleny bolš za 10 paciarpiełych. Usie jany dobra viedali padazravanuju i daviarali joj. Chaciełasia b adznačyć, što ludziej, jakija pieradavali hrošy machlarcy, našmat bolš. Adnak im doŭh byŭ viernuty za košt hrošaj, jakija bralisia ŭ nastupnych paciarpiełych.
Raspačataja kryminalnaja sprava ab machlarstvie ŭ asabliva bujnym pamiery.
