Na łavie — Andrej Kołas, Volha Zavadskaja i Julija Bodak.
Pavodle versii śledztva, 23 kastryčnika Julija Bodak i Volha Zavadskaja vyrabili pudziła i pryvieźli da miesca «impravizavanaha pakarańnia» na Varšaŭskaj šašy. Padniaćciem jaho na «łobnaje miesca» zajmaŭsia Andrej Kołas razam ź «niavyznačanaj asobaj», ź jakoj paznajomiŭsia ŭ adnym z čataŭ.
Z abvinavaŭčaha zaklučeńnia vynikaje, što viečaram 23 kastryčnika 2020 hodu Julija i Volha, vyjechaŭšy za horad na aŭtamabili, vyrabili sa śmiećcievych pakietaŭ, plastykavych butelek i reštkaŭ suchoj raślinnaści pudziła, jakoje sami ž dastavili na Varšaŭskuju šašu i kinuli ŭ lesapałasie pamiž Čyrvanaściažnaj i Machnoviča. Praź niekalki hadzin da ich padjechaŭ Andrej Kołas, razam sa svaim znajomym z čatu — jany abmatali manekien viaroŭkaj i prymacavali da dreva, «imitujučy paviešańnie».
Śledztva i dziaržabvinavačvańnie śćviardžajuć, što heta było pudziła «Prezydenta Respubliki Biełaruś». Na pudzile byli tablički «asudziŭ nievinavatych» i «skraŭ hałasy».
Adnak pa słovach samoj Julii Bodak, pudziła, jakoje składałasia z 2 śmiećcievych pakietaŭ, nia mieła kankretnaha pratatypu, a chutčej stała zbornym vobrazam. Žančyna patłumačyła, što zrabić taki «performans» jany vyrašyli nie z chulihanskich mierkavańniaŭ, a vyklučna dla taho, kab pryciahnuć uvahu hramadzkaści da taho, što adbyvajecca vakoł.
«Mabyć, śledčamu było sumna, i jon vyrašyŭ dziela pryhožaha słoŭca prypleści prezydenta RB. Navošta jon tak zrabiŭ, da hetaha času dla nas zahadka. Pra prezydenta tam i havorki nie viałosia — nie było ni vusoŭ, ničoha», — kazała raniej Svabodzie Julija Bodak. Jaje i jašče adnu abvinavačvanuju, Volhu Zavadzkuju, pravaabaroncy pryznali palitviaźniami.
Suda nad bieraściejcami prachodzili z 29 sakavika pa 1 krasavika. Julija Bodak svaju vinu nie pryznała, Andrej Kołas i Julija Zavadzkaja pryznali častkova.
Vynikovy verdykt sudu — dla žančyn 3 hady tak zvanaj «chatniaj chimii», dla Andreja — 3 hady abmiežavańnia voli z nakiravańniem va ŭstanovu adkrytaha typu. Taki ž termin raniej prasiŭ prakuror.
Mieru strymańnia im źmianili z chatniaha aryštu (pad im znachodzilisia ŭsie 3 abvinavačanych z 18 lutaha pa 1 krasavika) na padpisku ab niavyjeździe.
Čytajcie taksama:
Za pudziła Łukašenki prakuror prosić abmiežavańnie voli dla traich žycharoŭ Bresta
