U Pietrykaŭskim rajonie ździejśnieny razbojny napad na adździaleńnie banka, paviedamlaje SK.
Incydent adbyŭsia dniom 29 sakavika ŭ vioscy Kapcevičy. U abiedzienny čas žančyna-apieratar vychodziła sa svajho pracoŭnaha pamiaškańnia, a ŭ budynak banka ŭvarvaŭsia nieviadomy mužčyna ŭ bałakłavie i z padobnym na pistalet pradmietam. Złamyśnik udaryŭ žančynu, źviazaŭ ruki i nohi skotčam, zabraŭ kluč i vykraŭ ź siejfa 3005 rubloŭ i $1301.
Razbojny napad u adździaleńni trapiŭ u abjektyŭ videakamiery.
Supracoŭniki milicyi pa apisanych paciarpiełaj prykmietach ustanavili i zatrymali 46-hadovaha ŭradženca Mazyrskaha rajona. Jon padazrajecca ŭ ździajśnieńni złačynstva. Pry sabie ŭ mužčyny byli hrošy i pradmiet, padobny na pistalet.
Raspačataja kryminalnaja sprava pa č. 1 art. 207 (razboj) Kryminalnaha kodeksa Respubliki Biełaruś.
