Da kanca 2022 h. u Minsku ŭsie zapatrabavanyja parkoŭki ŭnutry druhoha transpartnaha kalca pavinny stać płatnymi. Pra heta infarmuje Telegram-kanał «Minsk. Aficyjna».
Padrabiaznaści ŭ chodzie apieratyŭnaj narady ŭ Minharvykankamie raskryŭ hienieralny dyrektar HA «Haražy, aŭtastajanki i parkoŭki» Alaksandr Kanaš.
Jon dadaŭ, što razhladajecca ŭdaskanaleńnie taryfnaj palityki ŭ dačynieńni da płatnych parkovak. Ciapier u stalicy miesca na płatnaj adkrytaj parkoŭcy kaštuje 1 rubiel za hadzinu, na zakrytaj — 2 rubli za hadzinu, u Vierchnim horadzie za pieršuju hadzinu parkoŭki treba płacić 5 rubloŭ, za kožnuju nastupnuju — 2 rubli. Košt miesiačnaha abaniemienta na karystańnie adkrytymi parkoŭkami składaje 35 rubloŭ, zakrytyja parkoŭki ciapier takuju pasłuhu nie dajuć.
