Miesiendžar Telegram vypuściŭ čarhovaje abnaŭleńnie: u pryvatnaści, ciapier hałasavyja čaty možna stvaryć nie tolki ŭ hrupach, ale i ŭ kanałach, a kolkaść słuchačoŭ bolš nie abmiežavana.
Akramia taho, ciapier možna zapisvać hałasavyja čaty.
Ciapier administratary kanałaŭ i adkrytych hrup mohuć stvarać hałasavyja čaty biez abmiežavańniaŭ u kolkaści ŭdzielnikaŭ. Abmierkavańnie mohuć adnačasova słuchać miljony ludziej — jak staryja dobryja radyjotranślacyi ŭ novym mahutnym interfiejsie.
Pry hetym administratary hałasavoha čata mohuć zapisać aŭdyja i apublikavać fajł dla tych, chto prapuściŭ abmierkavańnie.
Luby słuchač moža padniać ruku, kab paprasić administrataraŭ čata dać jamu słova.
Dałučycca da hałasavoha čata ŭ kanale možna nie tolki ad svajho imia, ale i ad adnaho sa svaich kanałaŭ — takim čynam publičnyja dziejačy i znakamitaści mohuć paźbiehnuć zališniaj uvahi da svajho asabistaha akaŭnta.
