Dakładnaj infarmacyi pra zdareńnie pakul niama. Studenty kažuć, što pryčynaj mahła stać svarka z chłopcam.
«Siarod studentaŭ chodzić takaja viersija padziej: byŭ dzień narodzinaŭ siabra jaje chłopca. Usie razam vypivali ŭ internacie, dziaŭčyna taksama vypiła i praz štości pasvaryłasia sa svaim bojfrendam, — raskazvajuć studenty. — Paśla jana vyjšła z pakoja sa słovami «pajdu paviešusia», jaje niejki čas nie było. Pačali šukać, pahrukalisia ŭ jaje pakoj — zamkniona.
I paśla ci to sami studenty ŭzłamali dźviery, ci to vyklikali milicyju… Ale adamknuli, a dziaŭčyna paviesiłasia na remieni na dvuchjarusnym łožku».
Kažuć, dziaŭčyna była zvyčajnaj studentkaj: vučyłasia siarednie, na płatnym.
«Zaŭsiody paśmichałasia, absalutna zvyčajnaja studentka, nichto nie zaŭvažaŭ u jaje niejkich takich schilnaściaŭ», — kaža adna sa studentak, z taho ž internata.
