U sudzie Savieckaha rajona Minska praciahvajecca razhlad kryminalnaj spravy Valeryja Bohdana ab supracivie rabotniku milicyi abo inšaj asobie, jakaja achoŭvaje hramadski paradak (art. 363 KK RB), paviedamlaje spring96.org.
Spravu razhladaje sudździa Alaksandr Voŭk. Dziaržabvinavaŭca — prakuror Rabaŭ.
Pa materyjałach śledstva Valeryj Bohdan 6 śniežnia 2020 hoda prymaŭ udzieł u masavym mierapryjemstvie. Byŭ zatrymany na vulicy Jakuba Kołasa.
U toj dzień byŭ paškodžany milicejski śpiectranspart — na bakavinie vyjaŭlenyja dźvie ŭvahnutaści.
U sudovaj zale śviedki pa spravie znachodziacca ŭ bałakłavach. Na minułaje pasiadžeńnie jany nie źjavilisia, pakolki byli ŭ adpačynku.
Śviedka Mikałaj, supracoŭnik milicyi, patłumačyŭ, što nios dziažurstva pa achovie hramadskaha paradku. U 13 hadzin pastupiła kamanda skiravacca ŭ rajon vulicy Kołasa, 59/1, dzie byli zaŭvažanyja ludzi ź simvolikaj. Troje išli asobna, pry zatrymańni adzin ź ich vioŭ siabie spakojna, druhi staŭ uciakać, a treci — Bohdan pačaŭ supraciŭlacca, šturchać supracoŭnika, upiracca nahami. Daviałosia zaščoŭknuć kajdanki.
Zatym pabačyli na aŭtamabili «Ford-Tranzit» uvahnutaści.
U vyniku prakuror prosić dla abvinavačanaha dva hady abmiežavańnia voli z nakiravańniem va ŭstanovu adkrytaha typu (h.zn. chimii).
