U Minsku paśla avaryi na skryžavańni aŭto vylecieła na tratuar i ledź nie ŭjechała ŭ šmatpaviarchovik
U subotu kala 14-j hadziny kiroŭca aŭtamabila «Reno», ruchajučysia pa vulicy Surykava ŭ napramku Ajvazoŭskaha, na skryžavańni z vulicaj Hrekava nie sastupiŭ darohu «Falksvahienu», jaki ruchaŭsia pa hałoŭnaj darozie. Adbyłosia sutyknieńnie, paviedamlaje DAI.
U avaryi paciarpieła kiroŭca aŭtamabila «Falksvahien» — 49-hadovaja žančyna. Jana dastaŭlena ŭ balnicu.
Na skryžavańni nieraŭnaznačnych daroh kiroŭca aŭtamabila, jaki ruchajecca pa druharadnaj darozie, pavinien sastupić darohu transpartu, što nabližajecca da jaho pa hałoŭnaj darozie, niezaležna ad kirunku jaho dalejšaha ruchu.