Fota Nadziei Bužan
U Biełarusi 38 žančyn pryznanyja palityčnymi źniavolenymi, u tym liku niekalki žurnalistak i pravaabaroncaŭ. Jak minimum s. Takija źviestki apublikavaŭ Pravaabarončy centr «Viasna» ŭ niadzielu, 7 sakavika, zaklikaŭšy napiaredadni Mižnarodnaha dnia baraćby za pravy žančyn padtrymać tych, chto akazaŭsia ŭ Biełarusi achviarami palityčna matyvavanych pieraśledaŭ.
Pavodle źviestak arhanizacyi, z pačatku vybarčaj kampanii na prezidenckich vybarach 2020 hoda suprać žančyn u Biełarusi była raspačataja jak minimum 141 kryminalnaja sprava ŭ suviazi ź ich palityčnymi pierakanańniami.
«Jak nikoli da hetaha, vialikaja kolkaść žančyn była kinuta za kraty pa palityčnych matyvach», — kanstatujuć pravaabaroncy.
Jak minimum 17 žančyn u krainie pa rašeńni suda znachodziacca na chatniaj chimii (abmiežavańnie voli, pry jakim asudžany nie nakiroŭvajecca ŭ papraŭčuju ŭstanovu, ale abaviazany vykonvać šerah praviłaŭ, u tym liku rehularna adznačacca ŭ milicyi).
Žančyna, prysudžanaja sudom u Biełarusi da samaha surovaha pakarańnia pa palityčnych matyvach, — hramadzianka Šviejcaryi Natalla Chierše, zatrymanaja padčas maršu ŭ Minsku ŭ vieraśni 2020 hoda. Jana atrymała 2,5 hoda kałonii za toje, što sarvała masku z 22-hadovaha supracoŭnika AMAPa Siarhieja Končyka.
