Siońnia, u niadzielu, asudzili zatrymanych u piatnicu ŭdzielnikaŭ źjezda niezaležnaha prafsajuza. Čatyroch studentaŭ adpravili na sutki, pieradaje PC «Viasna».
U piatnicu, 5 sakavika, adbyłosia masavaje zatrymańnie ŭ biznes-kłubie «Imahuru» ŭdzielnikaŭ lihi studenckich abjadnańniaŭ. Ahułam zatrymali bolš za 30 čałaviek, ale bolšaść nočču adpuścili z roznych RUUS navat biez pratakoła. Na niekalkich studentaŭ usio ž taki skłali pratakoły za niepadparadkavańnie pa art. 24.3 KaAP. i adpravili na Akreścina.
Zaŭtra ŭ ich minaje 72 hadziny, tamu ich vyrašyli asudzić siońnia. Ale Viarchoŭny sud nie paviedamlaŭ, što na vychodnych buduć pracavać dziažurnyja sudździ, tamu ŭsie sudy prajšli ŭ zakrytym režymie.
Sudzili studentaŭ u Centralnym i Kastryčnickim sudach. Uładzisłaŭ Kalkoŭ, Sofja Marhunova i Stanisłaŭ Sianiukievič atrymali pa 15 sutak aryštu. Kryścina Miranienka była asudžana na 14 sutak.
