«Siaredniaja tempieratura pavietra za zimovy siezon 2020—2021 hadoŭ skłała minus 3,8, što vyšej za klimatyčnuju normu na 0,2 hradusa. Za pieryjad z 1881 hoda takija i bolš nizkija tempieratury zimoj u siarednim byvajuć raz u try hady, a ŭ apošni raz adznačalisia zimoj 2012-2013 hadoŭ. Tempieraturny maksimum u hetym zimovym siezonie zafiksavany 25 lutaha ŭ Breście (plus 15), minimum — 19 lutaha ŭ Brahinie (minus 29,4)», — raspaviali ŭ Biełhidramiecie.
Śniežań 2020 hoda byŭ ciopłym ź siaredniamiesiačnaj tempieraturaj pavietra minus 0,8, što vyšej za klimatyčnuju normu na 2,5 hradusa. U studzieni hety pakazčyk skłaŭ minus 4,1 (vyšej za normu na 0,3 hradusa). Luty vydaŭsia chałodnym — u siarednim minus 6,5, što nižej za klimatyčnuju normu na 2,2 hradusa. U apošni raz tak choładna ŭ lutym było ŭ 2012 hodzie.
Za hetuju zimu ŭ siarednim pa krainie vypała 147 mm apadkaŭ, što składaje 122% za klimatyčnuju normu. Maksimalnuju kolkaść vypała ŭ Homielskaj vobłaści (163 mm, abo 145% normy), mienš za ŭsio adznačałasia ŭ Bresckaj i Viciebskaj abłaściach — 131 mm (116% normy) i 132 mm (98%) adpaviedna. Studzień i luty charaktaryzavalisia liškam apadkaŭ (183% i 111% normy), u śniežni naziraŭsia ich niedabor (78%).
