Ściapan Puciła.
Tolki ŭ adnym ź ich źjaviŭsia zahadkavy skrynšot hieałakacyi z terytoryi Polščy pobač ź biełaruskaj hranicaj.
U suviazi z hetym naradžajucca viersii i interpretacyi situacyi. Varyjant z vykradańniem usioj kamandy na čale sa Ściapanam Puciłam my nie razhladajem praź nievierahodnaść. Ale jość try inšyja viersii.
Viersija 1. Karparatyŭ
Šyrokaj aŭdytoryi ničoha nie tłumačycca. Datyčnyja da kamandy Ściapana Puciły adkazvajuć cikaŭnym žurnalistam prosta: «Kanały maŭčać, bo redakcyja vyjechała na karparatyŭ za horad i buchaje tam».
Ale ŭ hetuju viersiju z kožnym dniom usio ciažej vieryć.
Piacisutačny ałkaholny marafon 23-hadovych chłopcaŭ? Vyhladaje maksimalna niepraŭdapadobna.
Dy i ci šmat vysiłkaŭ zajmaje redahavańnie telehrama?
Źmiest kanałaŭ, jakija nielha nazyvać, — pieravažna pierakaz tekstaŭ biełaruskich partałaŭ i fota-videa kantent, dasłany čytačami ŭ bot. Takaja apracoŭka nie vymahaje niejkich zvyšvysiłkaŭ, kab niemahčyma było znajści chaj navat hadzinu na dzień dla redahavańnia kanała.
Viersija 2. Pijar-chod
Pa inšaj viersii, maŭčańnie kanałaŭ — heta niejki «pijar-chod» śpiecyjalna da vychadu niejkaha novaha bambičnaha filma pra Alaksandra Łukašenku sa zryvańniem pokryvaŭ.
A hieałakacyja, apublikavanaja ŭ kanale — heta, maŭlaŭ, tolki namiok abaznanym, što ŭsio okiej, bo niedzie ŭ tym rajonie znachodzicca katedž «Biełaruskaha doma», kudy nibyta adpraviłasia kamanda kanała.
Praŭda, niezrazumieła jakija plusy ad takoj pijar-kampanii — film ža vychodzić na jutubie, a nie ŭ telehramie, a ŭnutranym biełaruskim ŚMI spasyłacca na toj film, jak i ahułam na prajekt budzie ŭ lubym razie nielha, tolki pad pahrozaj adkaznaści za raspaŭsiud «ekstremizmu».
Viersija 3. Vykradańnie dostupu ŭdzielnikam kamandy
Narešcie, pa čutkach, jakija raspaŭzajucca ŭ vuzkich kołach, dostup da telehram-kanałaŭ nibyta zachopleny eks-udzielnikam kamandy, jakaja mocna razrasłasia za apošnija paŭhoda. Maŭlaŭ, ciapier hety eks-člen kamandy patrabuje vykup za viartańnie kanała.
Pakul «Naša Niva» nie nazyvaje imia hetaha chłopca, praź jakoha — i heta fakt, — u kamandzie Puciły pačalisia kanflikty, bo chłopiec akazaŭsia naporysty i «pieraciahvaŭ koŭdru na siabie», jak kažuć asoby, blizkija da kanała.
Kali heta viersija praŭdzivaja, to možna mierkavać, što ŭvieś hety čas kamanda kanała viadzie pieramovy ab viartańni dostupa z techničnaj padtrymkaj «Telehrama», jakaja viadomaja svajoj składanaściu ŭ kamunikacyi.
