«My praviali pieramovy z Pašynianam. Ja prapanavaŭ razhledzieć pytańnie načalnika Hienštaba US paśla praviadzieńnia pazačarhovych vybaraŭ. Pa sutnaści, premjer nie źviazvaje hetyja temy, adnak my źviazvajem. Ciapier niama nijakich damoŭlenaściaŭ, adnak kansultacyi praciahvajucca, kraina pavinna vyjści z kryzisu, a dla hetaha treba pravieści daterminovyja vybary», — zajaviŭ jon.
Pašynian nieadnarazova zajaŭlaŭ, što hatovy iści na daterminovyja vybary, adnak patrabuje, kab parłamienckaja apazicyja padpisała miemarandum ab tym, što paśla jaho adstaŭki jana nie vyłučyć svajho kandydata na pasadu kiraŭnika armianskaha Kabmina. Takim čynam, Pašynian nastojvaje, kab paśla rospusku parłamienta jon zastavaŭsia v. a. premjer-ministra Respubliki.
Apazicyjnaja frakcyja «Aśviečanaja Armienija» zajaviła, što hatovaja padpisać hety miemarandum, kali Pašynian adkliča svaju prapanovu Prezidentu ab zvalnieńni načalnika Hienštaba Anika Hasparana, jaki raniej zapatrabavaŭ adstaŭki staršyni ŭrada i ŭsiaho Kabmina.
