Sprava była zaviedzienaja na nastupny dzień, adnak jana pyliłasia i asablivaha značeńnia joj nichto nie nadavaŭ. Uładzimir Šyła byŭ dapytany jašče ŭ kastryčniku, paśla hetaha nichto nie dastavaŭ spravu z archivaŭ.
Uładzimir Šyła (u centry) z synami paśla vyzvaleńnia ź izalataru. Žnivień 2020 hoda
3 sakavika ŭ Salihorsk pryjechaŭ śledčy pa asabliva važnych spravach ź Minsku, jaki na praciahu dnia (ad 11 da 17) dapytvaŭ Uładzimira Šyłu, a taksama pravodziŭ vočnyja staŭki z supracoŭnikami milicyi, jakija davali pakazańni.
Siamiora milicyjantaŭ ukazali, što Uładzimir Šyła aktyŭna ŭdzielničaŭ u pratestach u Salihorsku 9 žniŭnia.
Piaciora navat udakładniali, što jon zaklikaŭ bić šyby, a taksama šturmavać budynki. Spadar Uładzimir kaža, što ich pieršapačatkovyja śviedčańni zusim inšymi.
Jašče dvoje milicyjanty admovilisia kazać, što Šyła zaklikaŭ bić šyby, u pratakole zastałosia «prymaŭ aktyŭny ŭdzieł».
Uviečary 3 sakavika Uładzimir Šyła pakinuŭ krainu, bo ź jaho nie była ŭziataja padpiska ab niavyjeździe.
Uładzimiru Šyłu 57 hadoŭ, pa prafiesii jon inžynier, siabra ruchu «Za Svabodu». Baćka biznesmienaŭ i byłych maładafrontaŭcaŭ Ivana i Illi Šyły. Paśla 9 žniŭnia 2020 adbyŭ 55 sutak administracyjnaha aryštu.