Minčanku zatrymali na «žanočym maršy» ŭ vieraśni. Jaje prysudzili da 9 sutak aryštu, niahledziačy na toje, što ŭ žančyny było niepaŭnaletniaje dzicia. Paśla prysudu jana praviała 2 dni na Akreścina i 4 dni ŭ SIZA Žodzina. Tolki paśla hetaha joj udałosia pieradać zapisku mužu i źviazacca z advakatam, jaki abskardziŭ rašeńnie suda. Na druhim pasiadžeńni prysud źmianili na papiaredžańnie.
Paźniej žančyna źviarnułasia ŭ sud i zapatrabavała kampiensacyju maralnaj škody ŭ pamiery 5000 rubloŭ. Choć joj i było kampiensavana ŭ 10 razoŭ mienš zajaŭlenaj sumy, jana ličyć heta pieramohaj.
Padstavaj dla zajavy ŭ sud stali žorstkija ŭmovy ŭ źniavoleńni. Jana raspaviadała, što ŭ kamiery adklučali vadu i zabirali matracy, kryčali, pahražali sabakami i zapałochvali.
