Akcyja salidarnaści z Kaciarynaj Barysievič, Arciomam Sarokinym, a taksama ŭsimi represavanymi žurnalistami i pravaabaroncami prajšła siońnia ŭ Minsku. Dziaŭčaty, jakija zvyčajna špacyrujuć pa Minsku ŭ čyrvonym, vyjšli na vulicu Kastryčnickuju ŭ čornaj vopratcy i ź biełymi kvietkami ŭ rukach. Na tvary — miedycynskaja maska z čornym kryžam — jak simvał taho, što adbyvajecca siońnia sa svabodaj słova ŭ našaj krainie, piša Tut.by.
— Vy možacie sprabavać adabrać naš hołas, prymusić nas maŭčać siłkom, ale vy nie adbieracie našu indyvidualnaść, našy dušy, našu salidarnaść i pačućcio ŭnutranaj svabody, našu ŭpeŭnienaść u pravacie, vy nie źmienicie fakty, zasłaniajučy praŭdzie rot. Praŭda i luboŭ zaŭsiody buduć macniejšyja za chłuśniu i hvałt.
