Fota BBC
Štodnia ŭ lutym 36-hadovy Sajman Kindlisajd prachodziŭ bolš za 6 km u miežach čelendžu. Heta maksimalnaja adlehłaść, jakuju možna pieraadoleć u ekzaškilecie, paśla čaho jamu patrabujecca zaradka. Usie atrymanyja srodki ad čelendžu buduć nakiravanyja na dabračynnaść u balnicy Norfałka — hrafstva na ŭschodzie Anhlii, dzie žyvie Sajman Kindlisajd.
U 2013 hodzie ŭ Sajmana znajšli puchlinu hałaŭnoha mozhu, jakaja paralizavała nižniuju častku jaho cieła, piša BBC.
Adnak niahledziačy ni na što, Sajman Kindlisajd uziaŭ udzieł u Łondanskim marafonie ŭ 2018 hodzie. Mužčyna paśpiachova zaviaršyŭ marafon u rabatyzavanym kaściumie, jaki jamu pazyčyli.
Paśla hetaha ananimny donar nabyŭ Kindlisajdu ekzaškilet, cana jakoha składaje £100 000.
Ekzaškilet ujaŭlaje saboj mabilny miechanizm, pryznačany dla adnaŭleńnia zdolnaści ruchacca, jakim možna kiravać roznymi sposabami ŭ zaležnaści ad madeli kaściuma. Ekzaškilet Sajmana Kindlisajda pracuje ad hadzińnika na ruce.
Nastupnaja meta Sajmana Kindlisajda — padniacca pa leśvicy chmaračosa.
