Skrynšot ź videa
Sprava razhladajecca ŭ sudzie Leninskaha rajona Mahilova. Sudździa — Taćciana Rachmanienka.
Zhodna z materyjałami spravy, u vieraśni 2020 hoda Ivan Kiva raźmiaściŭ pad adnym z tekstaŭ u hrupie «Narodny patrul», jakaja raniej isnavała ŭ sacyjalnaj sietcy «UKantakcie», abraźlivy kamientar, jaki utrymlivaŭ nienarmatyŭnuju leksiku.
Jak miarkuje abvinavačvańnie, jany tyčylisia troch supracoŭnikaŭ milicyi, ab jakich nibyta išła havorka ŭ paście.
Ivan Kiva nie admaŭlaje, što raźmiaściŭ kamientar, adnak nie zhodny z abvinavačvańniem u častcy taho, što słovy byli nakiravanyja ŭ adras supracoŭnikaŭ milicyi, jakija na fota byli ŭ cyvilnym adzieńni. Jon taksama śćviardžaje, što tolki vykazaŭ svajo mierkavańnie.
Adnak milicyjanty, jakija abrazilisia, ličać, što jahonyja słovy byli vykazanyja mienavita ŭ ich adras i, jak i zakliki da nieprystojnych dziejańniaŭ, nanieśli im vialikuju maralnuju škodu. Dvoje ź ich patrabujuć pa piać tysiač rubloŭ kampiensacyi ad Kivy, a adzin — try tysiačy.