Fota abłasnoj milicyi
Zdareńnie adbyłosia ŭ lutym. U 19-hadovaha chłopca, što pražyvaje ŭ domie na vulicy Jeŭfrasińni Połackaj, prosta z pakoja źnikła tachta. Bolš za toje, złamyśnik vybiŭ uvachodnyja dźviery i zabraŭ usie paduški.
Vyśvietliłasia, što ździejśniŭ kradziež 18-hadovy maładzion, jaki pražyvaje ŭ susiednim padjeździe. Doma ŭ paciarpiełaha jon byŭ usiaho raz, ale tachtu prykmieciŭ.
Pavodle milicyi, ideja zavałodać meblaj pryjšła, kali chłopiec adpačyvaŭ ź siabrami. Jon padumaŭ, što nieabchodna dadatkovaje spalnaje miesca. Taksama jon viedaŭ, što ŭładalnik tachty vučycca ŭ Hrodnie, i ŭ kvatery nikoha niama.
Vynieści meblu dapamahli siabry, jakim skazaŭ, što ŭsie robicca z dazvołu haspadara.
U vyniku chłopiec zatrymany, zaviedziena kryminalnaja sprava.