U stalicy prystupajuć da hienieralnaj uborki terytoryj i vialikaha ramontu daroh. Uładzimir Kucharaŭ na apieratyŭnaj naradzie ŭ harvykankamie daručyŭ pačać viasnovy miesiačnik pa ŭborcy, dobraŭparadkavańni i azielanieńni terytoryj stalicy z 1 sakavika, paviedamlaje telehram-kanał «Minsk. Aficyjna».
«Spryjalnaje nadvorje dla praviadzieńnia rabot pa ačystcy terytoryj užo nastała.
Treba apieratyŭna navodzić paradak, nadaŭšy pry hetym asablivuju ŭvahu terytoryjam uzdoŭž MKAD, čyhunki. Da vychodnych parki i skviery pavinny być całkam ačyścić i padrychtavać da pryjomu naviedvalnikaŭ.
Taksama treba praciahnuć pracu pa pryviadzieńni ŭ paradak pojmaŭ vodnych abjektaŭ stalicy: vydaleńni zaraśnikaŭ, dobraŭparadkavańni hetych učastkaŭ. Zaniacca naviadzieńniem paradku treba budzie nie tolki kamunalnym słužbam, ale i pradpryjemstvam, arhanizacyjam i ŭstanovam stalicy jak na svaich, tak i na zamacavanych terytoryjach», — skazaŭ kiraŭnik horada.