Vatican News
«Ja pamru tut, u Rymie, nie viarnusia ŭžo ŭ Arhiencinu», — padzialiŭsia pantyfik, a taksama adznačyŭ, što padobna svajmu papiaredniku nie vyklučaje svajho sychodu na piensiju. Pierśpiektyva śmierci, jak dadaŭ Papa, nie vyklikaje ŭ jaho strachu.
Razam z tym kiraŭnik Katalickaha kaścioła skazaŭ, što adčuvaje siabie dobra i poŭny enierhii.
Žurnalist pacikaviŭsia, ci prachodziŭ Papa kali-niebudź psichaanaliz.
«Nikoli, — adkazaŭ Pantyfik, ale pryznaŭsia, što ŭ časy słužeńnia pravincyjałam ijezuitaŭ, kali ŭ Arhiencinie panavała dyktatura, jon kansultavaŭsia ź psichaterapieŭtam.
— Jana dapamahła mnie pieramahčy ŭ toj čas strach. Časam ja chavaŭ niekatorych ludziej i dapamahaŭ im vyjechać z krainy.
Ujavicie sabie, jak ja bajaŭsia, kali vioz kahości ŭ mašynie, nakrytaha tolki pledam, i tak prajazdžaŭ praz try punkty vajskovaha kantrolu. Heta vyklikała ŭva mnie vielizarnaje napružańnie».