Raniej luboha čałavieka, jakomu staviŭsia ŭ vinu artykuł, pa jakim mohuć pakarać administracyjnym aryštam abo departacyjaj, mahli ŭtrymlivać u izalatary da 72 hadzin (dalej albo adpuskali, albo spravu razhladaŭ sud, jaki i vyrašaŭ dalejšy los čałavieka).
Ciapier u PVKaAP zafiksavana, što administracyjnaje zatrymańnie na termin zvyš troch hadzin nie moža być prymieniena da:
— niepaŭnaletnich, akramia vypadkaŭ, kali za ździejśnienaje pravaparušeńnie pahražaje departacyja;
— ciažarnych žančyn, invalidaŭ I i II hrupy, žančyn i adzinokich mužčyn, jakija majuć na ŭtrymańni niepaŭnaletnich dziaciej, asob, jakija majuć na ŭtrymańni invalidaŭ I hrupy albo ažyćciaŭlajuć dohlad starych, jakija dasiahnuli 80 hadoŭ, akramia vypadkaŭ, kali za ździejśnienaje pravaparušeńnie pahražaje departacyja, a taksama kali nazvanyja zatrymanyja znachodzilisia ŭ hramadskim miescy ŭ stanie apjanieńnia, čym abražali čałaviečuju hodnaść i hramadskuju maral, abo kali razmova idzie pra vajskoŭcaŭ terminovaj słužby (ich pieradajuć u vajskovuju častku), abo ŭ zatrymanaha jość prykmiety psichičnaha rasstrojstva, jakija mohuć stvaryć niebiaśpieku (pieradajuć u balnicu), abo zatrymany parušyŭ pamiežny režym u punkcie propusku.
Jak i raniej, nie mohuć być zatrymanyja pa administracyjnaj spravie asoby, jakija zajmajuć vyšejšuju dziaržaŭnuju pasadu, i asoby, pasady jakich uklučanyja ŭ kadravy rejestr kiraŭnika dziaržavy, deputaty vierchniaj i nižniaj pałat parłamienta, sudździ i narodnyja zasiadacieli (u pieryjad vykanańnia imi svaich abaviazkaŭ u sudzie).
