Rasijskaja radyjołakacyjnaja stancyja «Vołha» ŭ Biełarusi, jakaja ŭvachodzić u skład sistemy papiaredžańnia ab rakietnym napadzie, atrymaje novuju aktualnaść u vypadku raźmiaščeńnia Złučanymi Štatami Amieryki sistemy procirakietnaj abarony (PRA) u Jeŭropie. Pra heta zajaviŭ načalnik rasijskaha Hałoŭnaha centra papiaredžańnia ab rakietnym napadzie Andrej Ravianok, paviedamlaje TASS.
«Stancyja na bajavym dziažurstvie, vykonvaje svaju zadaču va ŭstanoŭlenym siektary ahladu. Ale, mahčyma, jaje aktualnaść znoŭ źjavicca ŭ suviazi z raźmiaščeńniem na terytoryi jeŭrapiejskich dziaržaŭ sistemy supraćrakietnaj abarony ZŠA, jakaja, my viedajem, vykonvaje funkcyi nie tolki abarony, ale i naniasieńnia ŭdaraŭ», — skazaŭ Ravianok.