Na dumku ekśpierta, Łukašenka, jaki zachavaŭ na dadzieny momant svaju ŭładu, i jaho najbližejšaje atačeńnie sprabujuć viarnucca da zvykłaha dla siabie režymu zamiežnapalityčnaha bałansavańnia.
«Z adnaho boku, Alaksandr Łukašenka pasprabavaŭ zrabić revieransy na ŭzroŭni rytoryki ŭ adras Maskvy. Tut možna adznačyć, što jon zhadaŭ prychilnaść da sajuźnickich adnosin z Rasijskaj Fiederacyjaj i admovu ad imknieńnia da suvierenitetu. Ale pry hetym jon padkreśliŭ nieabchodnaść zachavańnia multyviektarnaj zamiežnaj palityki. A heta kaža ab tym, što jon sprabuje nakiravać sihnały i Zachadu, kab uciahnuć jaho ŭ dyjałoh, śpiekulujučy na rasijskaj pahrozie», — zaŭvažyŭ Sivicki u hutarcy z karespandentam Ruskaj słužby «Hołasu Amieryki».
Mienavita hetym mierkavańniem, na dumku ekśpierta, tłumačacca słovy i samoha Łukašenki, i ministra zamiežnych spraŭ Uładzimira Makieja, i namieśnika načalnika Hienieralnaha štaba Paŭła Muraviejki ab tym, što Biełaruś nie saśpieła da paŭnavartasnaha suvierenitetu. «Na samoj spravie, heta sihnał zachodnim stalicam, što, kali jany praciahnuć palityku sankcyjnaha cisku, heta pryviadzie da straty niezaležnaści Biełarusi i niejtralitetu ŭ zamiežnaj palitycy z-za ŭzmacnieńnia cisku z boku Rasii», — ličyć dyrektar Centra stratehičnych i zamiežnapalityčnych daśledavańniaŭ.
U hetym kantekście, na dumku Sivickaha, treba razhladać i źliŭ infarmacyi ab tym, što Biełaruś moža raźličvać na atrymańnie čarhovaha rasijskaha kredytu ŭ pamiery $3,5 młrd, jaki źjaviŭsia napiaredadni VNS.
«Heta sapraŭdy možna razhladać, jak praciah palityki ekanamičnaj padtrymki ŭ abmien na hieapalityčnyja «pacałunki», i ŭ siońniašnich umovach jość sumnievy adnosna taho, što Kreml znoŭ kupicca na hety truk. Ale ŭ cełym vidavočna, što «Usiebiełaruski narodny schod» patrebny byŭ Alaksandru Łukašenku dla taho, kab vykarystać jaho jak arhumient nie vykonvać sočynskija pahadnieńni z Uładzimiram Pucinym», — miarkuje Arsień Sivicki.
