Na adnym ź videa — kabina lifta, u jakoj jeduć siłaviki. Kali na adnym z pavierchaŭ lift spyniajecca, adzin ź siłavikoŭ celicca ź pistaleta ŭ tych, chto ŭvachodzić u kabinu, ale ŭbačyŭšy, što heta svaje, prybiraje zbroju. Lift znoŭ spyniajecca, u kabinu ŭvodziać chłopca ludzi ŭ cyvilnym. Adzin ź siłavikoŭ sprabuje razhavaryć chłopca, ale toj admoŭčvajecca. U hety momant jamu advažvaje poŭchu adzin ź siłavikoŭ u cyvilnym: «Na pytańni adkazvaj!» Inšyja jaho absiakajuć: «Kamiery!», majučy na ŭvazie, što ŭ lifcie jość sistema videanazirańnia i ich dziejańni mohuć zapisvacca.
Jašče na adnym videa — razhon, jaki trapiŭ na kamieru videanazirańnia kala padjezda.
Nahadajem, u niadzielu, 15 listapada minułaha hoda, siłaviki praviali na staličnaj «płoščy Pieramienaŭ» masavyja zatrymańni ŭdzielnikaŭ akcyi pamiaci zahinułaha Ramana Bandarenki. Ludziej razahnali, prybrali miemaryjał. Padčas razhonu ŭžyvalisia śpiecsrodki. Častka ludziej była vymušanaja chavacca ŭ kvaterach žycharoŭ «płoščy Pieramienaŭ». Niekatoryja vymušana prasiadzieli «ŭ haściach» usiu noč.
